संस्थागत उद्देश्य

उद्देश्यहरु :

 ऐतिहसिक रुपमा प्राप्त नेपालका एकमात्र   जगदगुरु  र जगदगुरु पीठ नेपाल,नेपालीहरुको   अध्यात्मिक ,धार्मिक र सास्कृतिक  केन्द्र  बनेको छ |  नेपाली राष्ट्रियत धर्म सस्कृति अनि परम्परा साथै पौराणिक र पुरातात्विक सम्पदाको खोज गरि यसलाई विश्वमाझ  स्थापित गर्नु जगदगुरु महाराज श्री को मूल उद्देश्य रहेको छ | यसै उद्देश्यलाई पुरा गर्न २०५५ सालमा  पुज्य बालसन्त महाराज ले स्थापना गर्नु भएको श्री राधाकृष्ण भक्ति साधना अध्यात्मिक प्रतिष्ठान नै आज जगदगुरु पीठको स्थापित   पीठको भएको छ | जगदगुरु महाराजश्री अनि जगदगुरु पीठ नेपाल को सस्थागत प्रयासको मूल उद्देश्य हरु निम्न अनुसार रहेको छ |

१. नेपालमा ऐतिहासिक रुपमा प्राप्त जगदगुरुको उपाधिको संरक्षण र सम्बर्धन गर्दै जगदगुरु पीठको परम्परालाई  सस्थागत गर्ने |

२. नेपालमा रहेका  ऐतिहासिक,पुरातात्विक अनि धार्मिक सम्पदाहरुको संरक्षण  गर्दै लुप्त अवस्थामा रहेका   महत्वपुर्ण तिर्थस्थल,  नदि, ताल, कुण्ड क्षेत्र आदिको सास्त्रीय खोज तथा अनुशन्धान  गरि प्रचार प्रसार गर्ने |

३. जगदगुरुश्री को अथक अनुसन्धान र प्रायस बाट स्थापित कौशिकी नदिकिनार चतराधाममा  १२/१२ बर्षमा सम्पन्न हुने  पिण्डेश्वर कुम्भमेलालाइ सस्थागत गर्दै प्रचारप्रसार र बिकाश गर्ने |

४. जगदगुरुको उपाधि प्राप्ति संगै  बारहाक्षेत्र चतराधाममा  सस्थागत भएको जगदगुरुपीठको मूल ४ वटा गद्दी  देशको   चार दिशामा  स्थापना गरि   बैदिक  सनातन धर्मको  संरक्षण तथा  जागरण  गर्ने |

५.  जगदगुरु पीठ नेपालको  शाखा केन्द्र ( आश्रम) हरु देशका सम्पूर्ण कुना कुना मा स्थापित गरि  सामाजिक सेवाका कार्यहरु र   धार्मिक खोज अनुसन्धानको            कार्य गर्ने  |

६. सम्पूर्ण नेपालीको सहभागिता मार्फत नेपालीको राष्ट्रिय आस्थाको केन्द्रको  रुपमा  महाकाली शारदा पीठ  भाम्केनीधाममा स्थापना  गर्न लागिएको  नेपाल आमाको अष्टधातुको मुर्ति निर्माण सम्पन्न   गरि राष्ट्रियता  जागरण  गर्ने  |

७. जगद्गुरुकुलमको मध्यमबाट  पूर्वीय दर्शनको विश्वब्यापीकारण गरि बैदिक सस्कृतिको प्रबर्धन गर्ने 

८. गुरुकुलशिक्षाको पाठ्यक्रमलाइ  समयानुकुल बनाइ   गुरुकुल अध्ययन  गरेका युवालाई आधुनिक समाज संग प्रतिस्पर्धी  बनाउने |

९. जगदगुरु महाराजश्रीको  खोज र अनुसन्धानद्वारा प्राप्त भएको नेपाल भित्रै रहेको द्वादश ज्योतिर्लिंगको   सस्थागत रुपमा प्रचार  गर्ने |